الموضوع الثالث: الحب!!

ا: ما أجمل أن تحب القادر على كل شيء
وأن يحبك القادر على كل شيء
درر و الله

فيق ولا فيق

مشان الله ما بدنا لعبة النقاط خلصنا بقا!!

من اليوم و طالع اي رد غير مفيد رح نروح عليه نقاط و خصوصي بهالمنتدى
ياسر ابعتلي اسماء اللي بيزعجوك من اليوم

يا ياسر انا قصدي انو نهاية حب المراهقة اواي شب لبنت مراهقة او بنت لشب مراهق رح يكون محكوم عليها بالفشل بتعرف ليش ؟؟؟؟؟؟؟؟؟؟؟؟؟؟؟؟
لانو العواطف ما بتكون مستقرة عند كل من الطرفين صح ولا لأ؟؟؟؟؟
يعني بتلاقي الشب او البنت بيحبو بعضن شهر شهرين لك سنتين لك قول 3 مو اكتر ورح يبعدو عن بعضن ورح يقول كل واحد للتاني بيباي يعني لبعد البكالوريا او سن 18 لتستقر المشاعر عند البني ادم والله انا هدا اللي بعرفوا وهاد راي بعدين ازا البنت ضليت تحب فلان وعلتان وعلاك البان بفترة المراهقة وتعطي لكل واحد فيون جزء من قلبها رح توصل لسن الزواج ما رح تحسن تعطي جزء بسيط لزوجها يعني بتعطي لكل اللي علاقتها معن او اللي بتحكي معن بصفتها حبيبة رح تنترك بعد شهرين وبتحسن انو تعطيون من قلبها بس رح توصل لللي علاقتها معه شرعية وما رح تحسن تخلص معو او توفي معو فخلي هيه المشاعر مضبوطة بهاد السن وتعرف البنت تحكم عقلها اكتر من الشب لانو البنت ازا طلع عليها شي رح تصير صفحتها سودا ونقطة بيضا بصفحة سودا ما بتعمل شي وما رح تبين هيه النقطة بهالصفحة ما الشب فما رح يأثر عليه كتييييير بس هاد امو يعني انو ما يكون الشب مطنش وطايش ومو عارف مصلحتو لا مو هيك شو رايكن
ومشان سءالك ياسر للاسف وبلا تشبيه نادر ما تلاقي حدا يستنا وقت الصلاة متل ما يستنا موعد اللقاء مع حبيبو للأسف وأأأأأأأأأأأأأأاسفاه على زمن أضحى فيه الحبيب أكثر ذكراً من الله

أول شي ياسر أنت اللي قلت أنك بتعرف كتير عن الحب على ما أظن ومن علم عن الشي الكثير صار اسمو خبير ومو عيب أبدا

وتاني شي سارة شو دخل حكينا عن الحب بالسمعة ونظرة الناس

أنتو عم تحكو عن الحب كأنو شي مرض حتى أنتو بلشتو النقاش بأسباب الحب

ليش الحب ألو أسباب مثلا في حدا بخطط وبقول أنا بدي حب بقوم بحب

الحب متل المطر بالصحراء يا بيجي يا أما ما بيجي الحب مو قرار عن سابق تصميم وأرادة


الحب بسبب دمار ممكن بس الحب بسبب نماء كمان

أرجو أنو تفهمو قصدي بكلمة (الحب)




وإذا كان بسبب دمار فهادا على الطرفين وعلى الأغلب على طرف واحد بس

أنتو عملتو الحب سبب دمار الدنيا




وإذا رجعتو لسبب هالخراب الي عم نعيشو بتلاقو السبب بالعكس تماما هو الححقد والكريهة



وأكيد ما في شي أحلى من حب الله بس يمكن أنا لسا ما وصلت لهالدرجة بصراحة لسا في أمور بالدنيا بتغريني كتير

بس نحن عم نحكي عن شي موجود وحقيقي هو الحب فنحن متل ما قلت حكينا عن كل شي ما عداه

مثلا حكيتو عن الأسباب والنتائج و والدمار وحكيتو عن تحريمه

الحب شي موجود فلنتكلم بصراحة

سارة أنت عم تحكي عن مظاهر الحب وأدعاء الحب اللي عم نشوفو بالمسلسلات أو بالطريق وهادا مو ضروري صح



الحب إذا لم يكن صادق فيه إخلاص (وتعلم) ليس حب أنما تجربة لتجرين تلك المشاعر بس هي تجربة فاشلة ونحن ما منطلع غير على يلي فشلو طبعا....

أنا مع نصر

أنا مع نصر

بس يا نصر روووووووووووووووووح دروسسسسسسسسسسسسس

سلملي على أخك الفصعون

بس يا رونيا انا قصدي ازا كانت البنت مو واعية على حالها او الشب فانا بتحداكي انو تكمل حبها هالمراهقة اللذيذة الحبابة ومن دون ما يطلع شي وازا بتحبي اشرحلك اكتر فهاد رح يكون بيني وبينك لانو في كتييييييييييير قصص ما رقة عليي
لك قلك شغلة مع احترامي لكل الدوامنة هنا بس نحنا قاعدين بدوما بحرستا............... يعني ازا امتي ايدك عن رجلك بصيرو بدن يعلكو يعني ازا شي شب اجا بدو يسال شي بنت سؤال مو اكتر لك حتى ازا كان بالدراسة بجوزون لبعض هاد مو حكي بعدين هلا سؤال هلا على زمن الرسول كانت االنساء تطلع وتشارك بالمعارك وكان في مخططات تصير بين الرجال والنساء؟؟؟؟ هلا ما في مجال للمقارنة بين نساء الصحابة والبنات بزمنا بس يعني يحطو للعالم شوية اعذار

للللللللللللللللللللللللك يا جماعة انا مأحكي عن المراهقين لاتهبو عليي فهموا الحكي منيح مشااااااااااااااااان الله
يعني هلا بدك تقنعيني ست رونيا انو حي المراهقين ممكن يكون ناجح ويجيب نتيجة لك أختي وان جاب نتيجة فهي الظاهرة هبه بنسبة واحد بالمية ونحنا لازم نآمن بالاكترية مزبوط حكيي

قصدها نعمم الحكي

شباكي ليش زعلتي

الحب في المراهقة عقيم يا رونيا
هوي صحيح تجربة حلوة بس خدو النتيجة من المجرب و اسألوا
الغير و لك هالحب بعمرو ما كمل طريق لهيك بلاه من الاصل

سارة..
المشاعر غير مستقرة عند الشاب قبل 18.... غير موافق
والسبب:
عمر الزواج (في الأصل) مجرد الوصول للمراهقة (أو الفتوة كما أحب تسميتها)..
ومتل ما الواحد بياكل وأت يحس بالجوع، لازم يتزوج وأت يحس بالجوع الجنسي إذا بدنا نسميه
على الشب انو يكون راشد بس للأسف الرشد ما عميلتقى حتى بولاد الأربعين والخمسين بس الأصل رشد
الشب
والبنت المفروض تكون قريبة جداً من أمها (على الأغلب الام بتلعب هالدور أو أي شخص راشد أو شخصة)
فـاذا كانت البنت قريبة من امها حتاخد رايها وعلى طريقة ((فرجل وامرأتان)) فالبنت ربما غير الشب في اتخاذ
القرارات.. ويمكن في إجماع عهالشي

وبالنسبة انو البنت توزع قلبها بين فلان وفلان هاد شيء خطأ والحل البعد عن مصادر هاد الشي
أو العمل على ضبط العلاقات مع فلان وعلتان ما أمكن..

أوكي رونيا بس الخبرة ناتجة عن تجارب وهي افتراء!!!
بس عادي ما بتفرق معي المصطلحات

المهم:
برد بأكد إنو عمنحكي على حالة العشق مو عن شعور الحب
وعم نحكي عقليات لا أدبيات بس للتذكرة

الحب كمرض ليس له أسباب
أما الحب الذي هو علاقة راقية؛ فلا بد من تدخل العقل فيها حتى تصبح مسيطرة عليها
والعقل هو الذي يقرر: لازم حب فلان أو فلانة

ولا تستغربوا من هالعبارة وخلوني وضحلكن الفكرة:
كل ما في الجسم من أعضاء له وظائف:
العين وظيفتها الشوف واللي ما بتشوف مريضة
والأدن يلي ما بتسمع مريضة... وهاد الحكي معلوم عند الجميع

هلأ: وظيفة العقل هي العقل(والعقل يعني الضبط تقريباً، عقال الناقة حبلها..إلخ)
ووظيفة القلب الشعور ( وأرقى شعور لا شك هو الحب)
لكن إذا اشتغل القلب وما اشتغل العقل فالعقل مريض وبالتالي هناك خلل
صح؟؟؟

فلذلك في ناس ما بتحب ويمكن السبب إنو بيكونو عقليين زيادة (خلقة ربهم)
يعني متل ما في عاطفيين زيادة وعندهم علاقات عاطفية كتيرة
لكن التطرف بالحالتين (العقلي أو العاطفي) خطأ
والحل الوسط إنو يكون في عاطفة مسيطر عليها بالعقل

وأنا مع تثقيف الصغار بالحب \أو العشق (الفهمانين على الأقل)
مشان ما يفيقوا على عواطف مراهقة فجأة وبالتالي بيكون في سبب للحب إذا كان
ومن ثم ما بيجي فجأة

بالمناسبة العاطفة أقوى من الفكرة بآلاف المرات، والإنسان اللي بيندفع لسبب عاطفي بكون اندفاعو
أقوى بكتيير من اندفاع عقلي وهي أهمية العاطفة
يعني لما الواحد يحب رب العالمين بيكون أحسن من اللي بيعبدو فقط
واللي بيدرس بدافع من الحقد والغيرة (طبعاً غلط) بيفظع

الحب إذا تمكن من الإنسان وما كان في ضبط عن طريق العقل دمار لدنيا الإنسان فقط
بس جيل من العشاق المستحكَمين (بفتح الكاف) بيخرب الدنيا كلها قولاً واحداً
ومتل ما قلت: مجنون ليلى كان نابغة والمجانين بيعطلوا طاقاتهم الجبارة في سبيل المحبوبات
وبيفقدو المجتمع عنصر الشباب الأكثر فعالية في النهضة