الموضوع الثالث: الحب!!

لا الموضوع مهم بعدين اقترح يا استاذ نصر

الاختلاط يا آلاء سبب ألف مشكلة ومشكلة بس مو سبب رئيسي للحب ومتل ما بتعرفي إنو في كتير
ملتزمين أكتر مني ومنك وبحبوا!
عدم فهم الدين سبب كل المشاكل من وجهة نظري.............. موافق
والبعد عن سيرة الرسول والبعد عن (حب) الرسول سبب للحب.. موافق
والشباب عندهم طاقات ومن هذه الطاقات (الحب)

يعني الحب طاقة عند الإنسان، وعند الشباب خصوصاً.. وغلط القضاء على هذه الطاقة، لكنها طاقة معطلة ولا
سبيل إلى اغتنامها في أغلب الأحيان..
سبب ذلك أن طريق الحب الإلهي طويل وبعيد عن أغلب الناس ويا للأسف!
وحب الرسول كذلك، والسبب شيء من النقص في تربيتنا (جميعاً)
والحب الشريف العفيف المنتهي بالزواج كذلك هو درب طويل عسير خطر:
طويل لأنك لن تستطيع الزواج في سن الحب (16 سنة)
وعسير لأنه من الصعب الاحتفاظ بمشاعر الحب حتى بلوغ سن الزاوج
وخطر لأنك غير معصوم عن الخطأ طول هذه الفترة

لذلك على العاشق أن يموت عشقاً إن كان عفيفاً (أو يقاوم العشق ما
استطاع والله مع الصابرين) أو على العاشق أن يدخل جهنم إن كان غير ذلك
نعن على العاشق العفيف أن يشغل نفسه بالرياضة وما شابه لينسى.. موافق

التلفاز والأفلام والمواقع سبب فساد وسبب (الثورة الجنسية العالمية) لكن لا
علاقة لها (بتصوري) بحالات الحب.. فالحب تعلق بشخص، وهذا تعلق بمعصية وشتان

حبيبي نصر:
قلت ما بدي بلاغة وفصاحة و(طباقات) وتشابيه بلا طعمة أوكي؟

ما في شي بالدنيا ما لو سبب، وإذا بدك تحكي شعر وما شعر وتقلي إنو الحب
شغلة خارج أسوار الدنيا فهالحكي الفاضي حطوا عجنب لأنو ما بفيد..
إذا بدك أوصفلك الحب بهالطريقة العاطفية ما بخلص، خلينا هلأ بالواقع.
أنا عم بحكي مع عالم عاقلين مو مع مجانين ليلى..

هلأ جاوبني: ممكن الفقير اليتيم اللي عندو سبع اخوات صغار بدو يطعميون
وأمو مكرسحة وحالتو بتأسي.. وعميشتغل وعميدرس وما عم يلحق لشي
ممكن هاد تلاقي حب وترك الدنيا كرمال حبيبتو؟؟؟؟؟
سؤال تاني: ممكن الواحد يحب وحدة وهوي ما بيعرفها ولا شافها بحياتو؟
ممكن الولد ابن خمس سنين يحب؟
فيك من هالتلت أسئلة تستنتج تلت أسباب للحب:
(الفراغ، إطلاق البصر، المراهقة والتغيرات العاطفية لدى الشاب والفتاة)

الحقيقة يا نصر إذا بدك تعرف إذا الحب سموم وانحطاط ودمار ولا لأ؛ بسيطة:

أي حالة تريد تفحصها واختبارها عممها:
تصور أن كل المجتمع عشاق!! ماذا سيحل إذاً بالمجتمع من بعد ذلك؟
ألن يتدمر وينحط!؟ لكان ما حدا بيشتغل ولا حدا بيتعلم ولا حدا
بيفكر بشي مفيد!!
الجواب عندك..

كم شاب كان ناجحاً بكل شيء تعرف على فتاة فأحبها ففشل دراسياً وفشل
أخلاقياً واجتماعياً ودينياً.... وتحطمت شخصيته وهانت عليه نفسه وصارت حياته
إما حزن أو صياعة..
أليس هذا انحطاطاً ودماراً..

جاء في الحديث: النظرة -أي النظرة المحرمة إلى ما يجلب الهوى (عيون المها)-
((النظرة سهم من سهام إبليس مسمومة فمن تركها من خوف الله أثابه
جل وعز إيمانا يجد حلاوته في قلبه)) حديث صحيح
فالحــــــب حــــــــالـــــة تســـــــــــمـــم ولا نــــــقـــــاش

بعدين كل العقلاء يجمعون:
الحب مصيبة قاصمة وطامة كبرى ومرض عضال
طبعاً أنا لا أوافق على ذلك جميلة وتفصيلاً لأنها أعم من ذلك لكن جزء منها صحيح

معلم ياسر بس الاختلاط ما بسبب شئ اذا ما كان الشيطان بالقلب

وحتى إذا ما كان الشيطان بالقلب لا تنسى أنو النفس أمارة بالسوء

النفس= الشيطان يعني الاختلاط مومشكلو عويصة

إذا هاد رأيك علوش أنا رأيي مو هيك..

يعني متل ما قلت لنصر: أي شغلة بدك تختبرها عممها:
عمم الاختلاط عالمجتمع، تصور انو الاختلاط موجود بكل مكان بشكل منتشر جداً
شو النتيجة؟؟
النتيجة أوربا: مثليين
ضياع أنساب
إيدز
نص السكان غير شرعيين
كل ربع ساعة حالة اغتصاب
...
إلخ
فشو رأيك بالاختلاط؟؟؟؟
طبعاً أنا مو مع العزل والتعصب ولا مع الانفتاح الفاحش بس خير الأمور أوسطها

بالنسبة للحب بنظري يا ياسر 75% منه هو متل مجنون ليلى
ومشان سؤالك التاني يا ياسر دائما في بالحياة شي اسمه سلم الأولويات و أنا ما قلت أبدا إنوا الحب بالقمة..
و الإنسان ممكن يمكن يا ياسر وحدة مو شايفها بس ما بيعرفها مستحيل ...
و الطفل عمر الخمس سنوات ممكن إنوا يحب اسألني إلي
بعدين أسئلتك ما وضحت أبدا الإستنتاجات اللي طلعوا معك يعني إلا باستخدام الرابط العجيب تبع سبيس تون....
ومشان اللي بعدوا يا حبيبي مو ضروري كل انسان يحب يفشل حبه أو مو ضروري كل إنسان يكون بالضعف اللي بيخليه يتدمر ومشان نكون صريحين استغرقت معي عملية النسيان يومين بسسسسسسسس.......
و النظرة حسب الحديث و اسأل عنها مقصود بها النظرة الخبيثة اللتي تدعو إلى الزنى وفعل الفاحشة .....
و أنا ما بتفق مع اللي قلته بالأخير يمكن لإني مجنون ؟؟؟؟!!!

بعتقد إني وصلتلك وجهة نظري وبقلك بالأخير العيب دائما وأبدا بالإنسان وليس بالحب لأن الحب بجميع أشكاله نعمة من الله على البشر (نعمة) ....... و الشر دائما بيجي من النفس الإنسانية الخبيثة والسيئة ....

لك شو كاتب بالأخير إنت طلعت عن حديث الحب بشكل كامل صرت عم تحكي عن الزنى...
هلق نحن بمدرسة مختلطة صارت عنا شي حالة زنى ؟؟؟؟و الله أعلم ؟؟؟
هي أنا مثلا حبيت شي مرة بنت من المدرسة ؟؟؟؟؟؟؟؟؟؟؟؟؟؟؟؟؟؟؟؟؟؟؟




بعدين عم تقول النظرة سم ؟؟..
لك ليش ما بتعرف (منقول عن الإستاذ غسان) يحل للشاب أن يراقب الفتاة إن علمت أو دون أن تعلم بشرط أن يكون في نيته الخطبة أو الزواج فوين السمية بالموضوع ؟؟؟؟؟


جاوبني ؟؟؟؟؟

يا ياسر الاخنلاط معمم وين ما كان بالسرفيس بالمدرسة بالشارع شئ ما فينا نمنعو و انا بظن انو هاد نقاش عقيم خلينا بلاه

انا هلأ فتت وما في رأي عجبني أنتو حكيتو عن كل شي ما عدا الحب


الحب الحب الحب الحب

بدي أسألك ياسر:معقول أنت خبير بالحب وبتقول انو الحب بسبب دمار .؟؟؟؟؟؟معقول؟؟؟؟؟؟؟

إذا كان في شي بيصلح هالدنيا فهو الحب

الحب دواء وليس داء


وبالنسبة للاختلاط مو الاختلاط يلي بيعمل هالنتائج السلبية أنما نظرة الشب للبني والبنت للشب عنا

ليش نحن منتصور أنو مجرد ما يجتمع الشب والبنت حيغلظو ؟؟؟؟؟؟ جاوبوني؟؟؟؟؟؟




(الخطيئة لا تولد معنا إنما المجتع يدفعنا إليها)


بدي أسأل سؤال::

لما بتحب حدا بتحب أنو كل العالم تعرف بحبك ولا بتحب تخبي بقلبك؟؟؟؟؟؟؟؟

بالنسبة إلي بعتبر الحب شي خاص وما بحب حدا يعرف مع أنو عيون العاشقن ما بتتخبى

أصلا يمكن إذا حكينا ما حدا حيحس لأنو مشاعر الحب بس ل يلي عم يعيشو الحب كل يوم

وما في داعي لنلغي هالنقاش

والله مشاعر الحب ما في أجمل منها
بس ............ مو بسن متل سننا فعلى الاقل لازم يكون الانسان اللي عم يعيش هالمشاعر واعي صاحي على الدنيا بيعرف كيف يتصرف يعني انا بعتبر هيه المواضيع اللي بتصير بمدرستنا ما في اسخف منها وكلها قصص ولدنة وو كمان بس لتلهيك عن دراستك وتاخدلك وتجبلك تفكيرك يمين وشمال ونهايتها اما انو البنت تتوسخ سمعتها وتصير بالاراضي او انو تقصر بدراستها لحد ما ينعدم عنها الشعور بالمسؤولية وكمان كتييييييييير سهل انو الشب او البنت بسن المراهقة ينسوا بعضن بينما الشباب الكبار والواعييين فكتيييييييييير صعب انهم ينسوا هيه المشاعر غير هادا كلو انا ما بظن انو في مراهق او مراهقة ما حبو او نحبو بس النهاية بيكون محكوم عليها بالفشل ....................هلا انا مع الاء بس في شوية نقط ما عجبتني بالموضوع لانو هيه قالت انو حب الله ما في اجمل من هذه المشاعر بس يا الاء انا بقول انو حب الله فوق كل حب فهو الحبيب الرازق ولكن الحب هو مشاعر خارجة عن سيطرة الانسان بس بالنهاية كل انسان في عقل بيحسن يحكموا ويعرف كيف يتصرف من دون ما يغلط هلا ممكن المراهق يحب بس يكتم هالمشاعر بقلبو لحد ما يحسن انو ينسا هيه المشاعر أما حب الله فهو الحب الذي لا يستطبع الانسان أن ينساه فنحن مسلمون وكل انسان مؤمن لديه تلك الغريزة التي تدفعه لحب الله ولكن هذه الغريزة يجب ان نعرف كيف نحكمها في طرق الخير وطاعة الله .............. اطولت عليكم مشكور ياسر على النقاش

[b]أنا ملاحظه أنو أغلب الأعضاء معترضين على فكر ةأنو اللإختلاط بسبب كتير مشاكل
بس بتمنى أنو كلنا نكون صريحين مع أنفسنا ونوقف وقفة صدق مع ذاتنا وخلونا نقول الحق
وفعلاً إذا كل واحد صدق مع نفسو رح يلاحظ أنو الإختلاط بسبب مشاكل كبيرة بالنفس
يمكن الكل يقول أنوهي نحنا قاعدين بمدرسة مختلطة وما في أية مشاكل
بس إذا بتفتح أغلب القلوب رح تلاقي شي فيا مابيرضي ربنا ورح تلاقي فيا سواد كبير وبعد كبير عن رب العالمين
وما فينا ننفي أنو الإختلاط مع وجود الشيطان والنفس الإمارة بالسوء وبعض النفوس الضعيفة أنو يسبب مشاكل كتيرة داخل القلب
بس للإسف نحن ولدنا وعشنا بمجتعمع مختلط وهاد واقع وانفرض علينا فنحنا لازم نحاول أنو نجاهد نفسنا الأمارة بالسوء ووساوس الشيطان على الدوام ونحاول أنو نطهر أنفسنا من المعاصي التي يرتكبها معظمنا على الدوام
هيك بتوقع ..............وإذا كان شي بكلامي غلط فقوموني[/b]

وينه ياسر ؟؟؟؟

علي:
الاختلاط حالة تفشت وصارت وين ما كان حتى بالسرفيس... موافق

بعرف إنو الحل مو القضاء عليه لأنو يستحيل ذلك
الحل هو القضاء على الشباب المنحرف والقلوب الفاسدة
الحل هو تثقيف الشباب وتفهيمهم
الحل هو -كما أرادت رونيا- تصحيح نظرة الشاب والفتاة وبالتالي تنتهي المشكلة.... موافق

ليكني!!


نصر:
استغرقت معك عملية النسيان يومين بس>>> انت إنسان خارق والشهادة لله وما عم بمزح
المشكلة بالإنسان السيء والحب مو سيء.... موافق

نصر كان علي اذا انتبهت عميقول انو الاختلاط مو مشكلة وهوي مشكلة
وعمقلك عمم الحالة، شو بيطلع معك؟ أوربا متل ما هيه
هنن بلشو بالاختلاط وانتهو بهاد الشي لكن انشالله نحنا عنا عواصم كتيييييييييير والحمد لله
أجل يحق للراغب الصادق بالزواج أن ينظر إلى فتاته ما شاء بس ما ياخد وش كتير ويفلت... موافق

رونيا:
أولاً: ما تقولي خبير بالحب ما عجبتني!

بعدين آلاء قالت إنو الحب سموم ودمار وانحطاط ونصر ما عجبو وحاولت بررلو موقفها
لكن أنا مصر على أن (بعض) الحب قد يسبب دمار ولا تحاولي تقولي: لأ
أقل شي إنو قيس بن الملوح كان عبقري (وشعرو بيشهدلو) بس بعدين صار اسمو مجنون!!
صح؟

وبعدين أنا أشرت بين قوسين إنو عمبحكي عن حالة العشق المستحكمة للإنسان
حالة الهيام اللي بتخلي العشقان يبكي طول الليل والنهار وينصرف كل تفكيرو لحبيببه
وبتدمر حياتو وبينخرب مستوا الدراسي وعلاقاتو الاجتماعية.... إلخ

فإذاً خلونا أولاً نفرق بين (الحب) و(العشق)
ويا رونيا أنا كان قصدي عالعشق إنو سبب دمار وهاد معقول ومعقول جداً..
أما الحب دواء فصحيح لكن ناقشي واستشهدي

بعدين يا رونيا:
((صعب جداً أن يتفق البشر على قضية من قضايا العلوم الإنسانية))
لماذا هذه العبارة؟؟
لأنو إذا سألتيني: شو بيصير اذا اجتمع شب وبنت؟
بنطّلك ألف عالم اجتماع وكل واحد عندو جواب ودليل ومثال و...
وأنا أؤمن بجميع وجهات النظر الموضوعية لكن الاحتياط وجهة نظر تعجبني أحياناً

((كل بني آدم خطّاء)) -وخطاء مبالغة اسم فاعل كما تعلمين- فعلام تنكرين وتدعين عصمتنا نحن البشر؟
لكن الاختلاط الفاحش (المجتمع متل ما قلتي) بيدفعنا للخطيئة ومنيح اللي طلعت منك واعترفتي

صحيح يا سارة على من يحب أن يكون واعياً راشداً ولكن كل من يحب يدعي الفهم!
نهاية الحب فاشلة دوماً.... غير موافق
حب الله هو الحب الذي إن وجد هانت معه حالات الحب الأ...
بس للأسف نحنا ما بنعرف حب الله إلا قليل
بس حب الله فعلاً هو الدواء الأنجع لأي مشكلة في الدنيا: ما أجمل أن تحب القادر على كل شيء
وأن يحبك القادر على كل شيء، تتحمل في سبيل حبه كل مشقة، وتخاف من سخطه فتترك كل معصية
وتسعى إليه من يوم ليوم لتزداد مع حبه حباً...
حب الله هو غاية السعادة في الدنيا ونحن لا نعلم من ذلك إلا قليلاً
ويكفينا سؤال واحد للبرهان: في شي يوم انتظر حدا وقت الصلاة متل ما بيستنى العشقان
عشيقته بشي حديقة (وبلا تشابيه)؟

خخخخخخخخ
إي إي كلامك مزبوط خخخخخخخخخخ

بلا مسخرة! التهي بدراستك

اسمع كلام ياسر