25 سببا يجعلك مرتاحا لكونك رجلا

1- المكالمة الهاتفية تنتهي خلال 30 ثانية
2- تستحم و تكون جاهزا للخروج في 10 دقائق
3- رحلة لخمسة أيام تحتاج حقيبة واحدة فقط
4- الأصدقاء لا يهتمون إذا ازداد وزنك أو نقص
5- الحلاقين و الكوافيرية لا يستطيعون سرقتك "عينك عينك"
6- عند تقليب المحطات لا داعي للوقوف عند كل لقطة فيها واحد عم يبكي
7- ليس هناك من داع لأن تحمل حقيبة ممتلئة بأشياء ضرورية كلما خرجت
8- تستطيع الذهاب وحدك إلى الحمامات العامة دون فرقة دعم أو مرافقة!!!!
9- الكنية ( اسم العيلة ) يبقى نفسه مدى الحياة
10- تستطيع ترك غرفة الفندق دون الحاجة لترتيبها
11- لا داعي للحلاقة تحت الذقن
12- إذا نسي أحد أصدقائك دعوتك لمناسبة ما لن يتسبب ذلك في تدمير صداقتكما
13- الأزهار تحل جميع المشاكل !!!!!
14- ثلاث أزواج من الأحذية هي أكثر من اللازم
15- ما بينهز بدنك إذا ما حدا لاحظ قصة شعرك الجديدة
16- مزاج واحد في جميع الأوقات
17- الشعر الأشيب : هيبة و جمال
18- لا تهتم إذا كان في حدا وراك عم يحكي
19- الريموت كنترول إلك ، و إلك وحدك
20- إذا مضى وقت طويل و لم تحكي بالهاتف مع رفيقك ،لن يقول هذا الأخير بين أصدقائك : إن فلان متغير
21- إذا كنت في حفلة و ظهر أحدهم بنفس ملابسك ، يمكن أن تصبحوا من أعز الأصدقاء
22- لديك الحرية المطلقة في أن تربي شارب أو لا .......!!!!
23- نفس قصة الشعر قد تستمر لسنين ، و ربما لعقود
24- أنت في الرابعة و الثلاثين و غير متزوج ،..... إي شو يعني ؟؟
25- كل أعضاء وجهك تحافظ على لونها الطبيعي

8- تستطيع الذهاب وحدك إلى الحمامات العامة دون فرقة دعم أو مرافقة!!!!


1- لا داعي للحلاقة تحت الذقن ؟؟؟؟؟؟؟!!!!!! ليش البنات بيحلقوا تحت الدقن ؟؟؟؟؟

- الريموت كنترول إلك ، و إلك وحدك
- إذا كنت في حفلة و ظهر أحدهم بنفس ملابسك ، يمكن أن تصبحوا من أعز الأصدقاء
- أنت في الرابعة و الثلاثين و غير متزوج ،..... إي شو يعني ؟؟


جد جد حلوين كتير مشكورة روحتي خواصري الله يستفل فيكي

ما عجبوني بالمرة وكلن خطأ مع احترامي ريم

وحتى إذا كان هالشي صح فأنا بعتز بحالي لأني انثى بكفي أنو نحن كتلة من الأحاسيس

عصبني هالموضوع كتييييييييييييييير

أصلا في مليون قصة وقصة بتخليني أشكر الله لأني أنثى

بتكفي قصة الشعور بالأمومة

شبك ميثم مصدوم ولا تعبان من كتر ما دبكت ؟؟؟؟؟؟؟؟؟

أنا فخور جداً...

طبعاً لو كنت بنت كنت افتخرت كمان وكل شي إلو شي
بكفي نعرف إنو رب العالمين عادل وما في ظلم بهالقضية
ولا بغيرها

أنا لاقيتون مقنعين جدا

كهههههههههههه
شوفو تناقض رونيا .......البنت كتلة من المشاعر الحساسة.انا معصبة كتير

شو يعني ما بحقلنا نعصب؟؟؟؟؟؟

ليش التعصيب مو إحساس و شعور ؟؟؟؟؟؟؟؟؟


لا تاخد كلامي حرفي أفهم المعنى

رونيا روقي مو حرزانة بكفي أنك مقتنعة بحالك متل ما أنت بنت أمورة و إذا بدك بطالعلك 125 سبب يخليك تنبسطي لأنك بنت و أولهن أنو ما منروح على الجيش

كهههههههه
فكرك الروحة عالجيش مشكلة عند الشب ؟
شيلي انو بأخر الزواج بس بيعمل رجال قادر عالتصرف قدام اي زلزال بحياتو..........ايوا
بعدين انتي بس اعطيني سبب و انا جاهز للنقض
ومشان رونيا:العصبية مو من الانوثة مع اني بحب الفتاة القوية اللي ما بتسكت

يعني بكفي أنو الرسول "ص" بيقول " أمك ثم أمك ثم أمك ثم أباك " يعني 3 مرات أمك مو مرة شو رأيكم؟

كمان الرسول "ص" بيقول الجنة تحت أقدام الأمهات
يعني هادا مو كافي؟؟؟؟؟؟؟

اي انسيتو كل شئ قالو الرسول عن الرجل
وكمان القرأن عطانا اولوية
للذكر كحظ الانثيين
شو افحمتك

لك إيييييييييييييييييييييييييييييييييييييه

قلبتوها حرب ولووووووووووه

اي لا ,ليش يا حزرك (للذكر كحظ الانثيين) بالورتة, لانو الرجال مجبر على انو يعيل كل العيلة و ما بيقدر ياخد قرش من مرتو اذا ما سمحتلو فهو بحاجة لهالمصاري و مصاريه مو بس الو اما المرة فمالها مجبرة على هالشي مو لانو على راسكم ريشة ,شو افحمتك
بعدين انتو كتير بتزعجوني لما تاخدو امثلة من القران الكريم و تحطوها بغير مواقعها بس مشان تثبتو وجهة نظر خاصة انو الله تعالى ما بيظلم حدا

لا غلطانة الرجل مالو الو
بفهمك ليش :
لأنو الزوجة الو

ما تستخدموا آيات وأحاديث في سبيل التفرقة رجاء
فيني جبلكن مية شاهد وكل واحد فسرو عكيفي
مشان الله في عالم بدهم كلمة من القرآن ياخدو عليها حجة عالدين

كل شي إلو شي من الآخر

علي ما حدا ملك حدا

هلا لح تتخانقوا ..........مو محرز الموضوع ..........كل واحد بيفخر بحاله.........وكل جنس الو خصاءصه

ليش غيرت الموضوع علي انا ما رح علق على كلامك بس انت ما شفت من كل هالحكي غير لمين المصاري و مين بيملك مين انا كنت عم انتقد وضعك للاية بموقع بيدل على انك ما فهمانها و الحكي ما جايبته من عندي و كنت عم حاول قول انو القران ما بيعطي الاولوية لحدا من ناحية الجنس بس التقوى و كل شي الو سبب الشغلة مو شوربة و كل واحد فينا اخد حقوقه بعدين يا ياسر ما بيقدر كل واحد يفسر الاحاديث او الايات على كيفو الامور واضحة و اياد نحنا ما عم نتخانق.....ما هيك
و رونيا طولي بالك هينا عم نتناقش

لك يقطع عمركون موضوع للضحك بتقلبوا جد لك ياسر خليك بمنتداك يستر على عرضك

أنا رايقة دايما بس في بعض عالم متل صاحبة الموضوع دايقتني

لأ واليوم عم أحكي أنا ورفقاتي شو بقولو؟؟؟؟؟؟؟؟؟

أل الشب أحسن بكل شي وحتى أذكى وما بعيبو شي (يا الله هالكلمة شو بتدايقني)

إذا البنات هيك عم يحكو فلا عتب عليكن أنتو الشباب


إيمتى حنخلص من هالعقلية عم أستنى هداك الوقت أحمر من الجمر

اي رفقاتك معن حق الشب اذكى من البنت عالقليلة منعرف انو كلمة احر مابدها حرف الميم ولا شوووووووووووووووووووووووووووووووووووووووووووووووووووووووووووووووووووووووووووووووووو

رونيا حبيبتي طولي بالك نحنا قاعدين بمجتمع شبه متخلف من هالناحية و ما علينا نحنا العاقلين غير انو نتحمل
و انا ما بعرف شو صايرلك علي بس انت اكيد جانن هلا علقتلها لرونيا على هالحرف الله يسامحك اصلا من كتر ما كانت معصبة منك ما عادت عرفت كتبت متل العالم و الناس
و بعدين على اي اساس الشب اذكى من البنت اي تلات ارباع الاوائل بمدرستنا هي اذا مو اكتر من البنات
على كل الجدل معك عقييييم