الموضوع الثاني: أين نحن وأين العلم

الموضوع هذا أريد فيه الحوار والنقاش "المفيد" ولا أريد [نقاشات جانبية] أرجوكم..
إذا عندك وجهة نظر اطرحها
عندك سؤال إضافي أو فكرة إضافية اطرحها
ويهمني أن تكون كل مشاركة أكثر من خمسة أسطر..

أما بعد:
فهل أنت راض عن العلم والتعلم في بلادنا؟
هل تظن أن مدارسنا تخرج علماء؟ (حسب المنهاج: منهاج علماء وأكثر)
أتظن أن الطالب إذا بحث عن المادة العلمية سيجد ما يريد؟ (أي الفشل والنجاح متعلقان بالطالب)
أين التعليم، وأين التدريب وأين التربية؟ (وزارة التربية أم وزارة التلقين؟)
قيل: أهم ما في التعليم قدرته على تغيير السلوك، فأين نحن من ذلك؟
وهل تظن مقاييس الشهادة الثانوية (البكالوريا) عادلة؟
هل المنهاج يكفي لاستيعاب كل ما يلزم في الحياة؟ أم هناك بحوث مهملة؟
هل ترى أننا نستفيد حقاً من علم المدارس؟ ما هي نسبة الاستفادة؟
وكما قالت آلاء: هل فرع الطب فعلاً يستحق أن يكون الفرع ذا المرتبة الأولى؟
وهل سنتحضر.. إذا غدا جل الناس أطباء؟
ما أكثر الفروع أهمية ولزوماً في الوقت الراهن؟ (وجهة نظر وليس من جواب واحد)
أين تكمن المشكلة تحديداً؟

ورجااااااء.. جدية لو سمحتم
وأتمنى أن نسير خطا واااسعة هنا
خصوصاً وأنتم (المتفوقون)

مو كتير راضي
في عالم بيطلع منها والباقي لا تشد كتير
إي بظن هالشي لأني جربت
والله وزارة التلقين
ماعندي فكرة
لالالا
في بحوث نزلت محل بحوث أهم
نسبة الإستفاد ة مو أكتر من 70%
لالالالالا
أكيد لا الحضارة بدها من كل الألوان
الصناعية والمعلوماتية والهندسة
ما عندي فكرة
>>
>مشكور يا مشرفنا

مو كتير
لا ما بطالع العلماء
اي
لا الطب في أهم منو لأنو هلق صارو الأطباء أكتر من المرضى لازمنا دورات لمحو الأمية لتعليم اللغات والعمل عالكمبيوتر
مشكوووووووور ياسر

برأي تضيف سؤال: إذا صحتلك الدراسة برا من الأول الإبتدائي بتروح؟

طيب السؤال بكون نحنا مندرس لنتعلم ولا لنجيب علامات؟

أنا بدرس لأتعلم لأنو لو بدرس لجيب علامات ماكنت شفتني هون
ليش ما جابت عالأسئلة يلي حطها المشرف؟؟؟؟؟

مناقش

خررررررراس لا تغير الموضوع

قال المشرف بدون مواضيع جانبية

بس معلا الحكي الفاضي أهم شي عندو
لا تواخذوني بس مضطر

مقبولة هالمرة بس لا تعيدها

طيب إ

في ماليزيا (وماليزيا لمن لا يعلم هي أكثر الدول الإسلامية تقدماً والسادسة صناعياً في العالم)
في ماليزيا لما سئلوا عن سبب تطور ماليزيا في الآونة الأخيرة فقال:
لا شيء.. فقط كانت ميزانية التعليم كذا وجعلناها كذا. رفعوا ميزانية التعليم ولا أذكر الأرقام تماماً

نعم التعليم هو أساس كل حضارة..
ولولا ((اقرأ)) نزلت أول الإسلام لما رأينا فحول علماء التاريخ من المسلمين يسجلون أسماءهم..

ما كانت العلوم تقسم إلى شرعية وكونية، وكل ما نعلم من العلماء المسلمين شيوخ قبل أن يكونوا علماء..
ابن سينا والفارابي وابن رشد وابن خلدون.. كلهم علماء شريعة.
هجرنا الشريعة وصار المثقفون لا يعرفون الله (إلا قليلا)

.. ناقش

ليش خليت شي يتناقش حطيت الموضوع وجاوبت عليه بس حبيبي نحنا خالصين فرطنا ......
يعني إنت عم تحكي على هدول العلماء اللي كانت حياتون كلها كتب وقلام و أنا حياتي كيبورد وكتاب المدرسة ..

شو جاب لجاب بعدين نحنا ناقصنا عنصر مهم كتير (الحافز) ما عنا حوافز بالممرة مو حوافز تبع الموظفين قصدي حوافز يعني سبب يخلي الواحد يتعلم ويطور بلده

شايفين الفرق

أنا بتوقع بما أنو نحن طلاب بمدرسة المتفوقين فينا نغير كتير
طب ياترى شي مرة جربنا نقدم اقتراحات للوزارة حول تعديل المناهج ليش لاء خلونا نجرب ويمكن ما تزبط معنا أول مر وتاني مرةويمكن ما حدا يعبرنا بالبداية بس لازم نحاول .
وعلى كل حال بتوقع أنو نحن لازم كمان نبحث عن العلم وننشره لوما توفر هادا الشي بالمدارس
ومهم كتير أنو كل واحد منا يعرف (كم هو جاهل) حتى يكون دافع للعلم
نحن صراحة واغلب الطلاب بيدرسوا بالمدارس وبيجتهدوا بس لتأمين مستقبل جيد لنفسه.
الصراحة مجتمعنا بشكل عام نسي العلم ونحن بإذن الله رح نرجع نصحي الأمة من جديد وأنا متفائلة كتير بس بدنا من الشباب والصبايا همة وإرادة وحسن توكل وإن شاء الله رح تنفتح الأبواب أمامنا ورح نصير أفضل بكتير
كما يقول رب العالمين (إن الله لايغير مابقوم حتى يغيروا ما بأنفسهم )
وبتوقع حاجتنا لسا كسل خلينا نروح ندور عالعلم الحقيقي لأنو نحنا كمان مقصرين كتير بهي الناحية
وبشارة حلوة أنا من فترة عرضت عالمديرة أنو تفتح موضع تعديل المنهاج بالاجتماعات الوزارية وهي وعدتني أنو رح تعمل جهدا
والله ولي التوفيق

اكيد بايدنا نغير يعني موقع وعملنا بصغرنا يعني عنا امكانيات بس ما في توجه
يعني لازم كل الطلاب يتقسمو حسب ابداعاتهم و يتوجهو نحوها يعني ياسر حرام يا جماعة يضيع وقتو بالمواد التانية ياسر مبدع بالعربي مبدع بكا معنى الكلمة

بالنسبة لنصر: أنا أرفض كل الرفض كلمة (فرطنا) أو أي من مرادفاتها البليدة (واعذرني..)
هذه الكلمات ليست لنا ولا يقولها مصلحون.. بل يقولها إما مدسوسون من أعداء لتثبيط الأمم
أو يقولها ضعاف النفوس وضعاف الرأي...
ويقولها المحبطون من الواقع المؤلم، لا علينا.. لكن إذا قال الرجل هلك الناس فهو أهلكهم فلا تكررها رعاك الله..

آلاء العليان: أبشرك على تفاؤلك وأنا يزداد تفاؤلي بالمتفائلين تفاؤلاً فشكراً..

الحقيقة واضحة ويعرفها الكل:
كل الناس يسعى لبناء مستقبله وبناء مجده الشخصي
كل الناس تطمح للمال
كل الناس تدرس (عندما تدرس) لأجل المستقبل الأكثر وعوداً بالثروة
وكل الناس تريد (لشدة الحاجة ربما) نقوداً

وإلا فهل فكر شخص عند اختياره لمستقبله (طب، هندسة، صيدلة.. إلخ)
هل فكر شخص بأنه يختار لا لنفسه ولا لأهله ومجتمعه.. لكن لأمته وبلده؟؟
وأنا حينما أتكلم أعلم أنني أتكلم مع متفوقين، أي أذكياء ونوابغ، وذلك يعني أنهم أطباء (وأطباء فقط) فأسفاً عليهم..

لا يازلمة طول بالك شو هالنظرة يلي إلك هي
مين قلك بس أطباء.......وبس منشان المصاري حكيك مو مظبوط
كلامك أنا حاسو مو منطقي بس إذا خي نظرتك إنت حر

بما أنو نحن شباب وعنا همة وطاقة كبيرة أنا حابة أنو نباشر العمل بس ما بعرف الطريقة كيف
بس بالبداية نحن لازم نحن نبحث عن العلم الحقيقي وكلنا بيعرف أنو القرآن هو كتابنا ودستور حياتنا طيب يا ترى كم
مرة بنقرأ بالشهر طيب حاولنا نبحث عن تفسير بعض الآيات أوحاولنا نطبق يلي عم نقرأ من القرآن بحايتنا اليومية
ومتل ما بنعرف أننا نحن قوم أعزنا الله بلإسلام فإذا ابتغينا العزة بغيره أذلنا الله وللأسف هدا الحال يلي نحن وصلنالو
صرنا أمة ذليلة بين الأمم بس فينا نتغير بإذن الله خلينا كلنا نحاول نقرأ القرآن للتطبيق
ويقول رب العزة والجلال ( لقد أنزلنا إليكم كتاباً فيه ذكركم أفلا تعقلون)

الله يهدينا

آآآآآآآآآآآآآآآآآآمين

نحن بهذا المنتدى موجايين لحتى نتناقش فقط لاء بدنا من كل عضو عم يشارك أنو يسعى لتحسين نفسه بالبداية لحتى نحسن نصلح المجتمع من حولينا وبتمنى أنو كلنا نتفق ونعهد على أنفسنا أنو نستفيدمن النقاش ونحاول نطبق الإيجابيات والأفكار المهمة يلي طرحها الأعضاء.
خلينا نكون أشخاص عمليين ونبدا بالتغيير
بتعرفو أنو نسبة الأمية بالوطن العربي فوق 60% تخيلو أنو هالأشخاص لا بيعرفو يقرؤا ولا يكتبوا.......
وبكندا قضوا على أمية الكمبيوتر..........
وبتعرفوا أنوعدد الأشخاص المسلمين يلي حصلوا على جائزة نوبل شخصين.
بتوقع إذا فعلاً نحنا رايدين نتغير لازم نوضع برنامج للأعضاء المشاركين
كيف يعني؟؟؟؟؟؟؟
أنو مثلاً نتفق أنو كل الأعضاء يقروا كتاب شهرياً لحتى يكون عنا مخزون نحسن نفبد الآخرين منو.
أو مثلاًيضع المشرف كل أسبوع أية أوحديث ويقوم الأعضاء بالبحث عن ألتفسير وكيف ممكن يطبق بحياتنا.
ما بعرف بتوقع هيك فينا نستفيد ونفيد وبتوقع ممكن تكون خطوة أولى للتغيير والتحسين
وبرجو من الجميع أنو يفيدنا باقتراحات عملية..........

رائع يا آلاء

باشا أنا مو أصدي إنو أطباء أطباء!!
أصدي إنو هدفهم (أطباء)
يعني إنت لو جبت علامة تامة شو بتختار؟
ليش بتسترجي ما تختار (طب) (للأسف)؟
أصدي إنو كل المجتمع بعارضك إذا دخلت غير (طب)
هاد أصدي وإذا جبت علامة تامة وما دخلت (طب) فانت شخص رائع
مو كرها بـ(الطب) بس صار لازم نلتفت وصار لازم نغير

هي شغلة الشغلة التانية: كأنو تنين أو تلاتة يلي عم يفوتوا ويناقشو
أشو وين الخلق والعالم؟؟؟؟؟؟؟؟؟

» الموضوع الثالث: الحب!!
» الموضوع الرابع: الحزن
» لعبة الصراحة الجزء الثاني
» الموضوع الأول: ماذا بعد منتدى المتفوقين؟
» كرسي الإعتراف"الجزء الثاني"