قصيدة من جبلة أميرة الساحل

أنا عاشق ورح ضل عاشق ***** ومتل أي عاشق مافيي ضل مستني

عاشق لبلادي وأرضهـــــــــــــــا ****** بلادي اللي بلأرض جنــــــة

تعو نحكي قصة أرض ياما بكت ******ومنها كل يوم طلع ألف عنِّة

من محتل طمع بأرضنـــــــــــا******** بس ياحسرتو عليه وقعت اللَّعنة

ما عرف أنو شعبها جبَّــــــــــــار ****** ما بيرضى لنشيده الذل رنة

وأنعم الله بهلأيام السود عشعبها******* برجال مايهمهم لا حماية ولا كنِّة

همهم الأرض لصحابها ترجع ******** والمجد عربوعها يسلطن ويغني

سلطان باشا الأطرش وصالح العلي***** عربوع الجبال قتلو الفرنسي بلأسنة

ويوسف العظمة بميســــــلون******** استشهد كرمال شعبو وراح علجنة

اسمحولي ذكِّر وياعار علناسي ****** ةإلكن يا حبابي بالعيد هنــــِّــــــي

بميلاد البعث الجــــــــــبَّار ********* وعقبال يارب الألف سنـــــــــــــة

اللي ناضل تتحرت أرضنا ******** وصرخ يا فرنسا طقي وجني

وخلَّى أرضنا بربيع نيسان تفرح ****** وعصافير السما كرمالها تغني

والمآذن قالب الله أكبـــــــــــــــر ******* والكنائسة بأجراسها عملت رنة

وللصهيوني نقول لا تفرح ******** رح تطلع لو بعد مية سنــــــــــــة

والأمريكي اللي احتل بغداد ******** لفرحو عمل حفــــــــــــــــل فني

شوفو شو صابو من الذل ******* ورح يطلع بعد ما صابتو اللعنة

هي مصير كل محتل ظالم ****** انرسم بالتاريخ بالحنـــــــــــــِّـة

بعيد حرية أرضنا وميلاد حزبنا **** هي القصيدة إلكن هدية مني