بما انو كل شي ألو نهاية وهاي نهاية المدرسة قربت وما بقى حدا يشوف حدا كل واحد حيروح بحال سبيلو
شو رأيكن نحكي عن هالسنة شو صار فيها وشو أستفدنا ومين أكتشفنا من رفقات؟؟
ونحكي شو رح نعمل بالصيف
أنا هالسنة بالإجمال كانت حلوة مع أنو فيك كتير مشاكل مرت على راسي ومو قليلة بس كل شي بيخلص
بالفصل الأول كنت متدايقة لانو كنا 36 بنت وكلنا قاعدين فوق بعض أما بالفصل التاني صرنا أحسن أل يعني صرنا 30 بس صرت أفهم اكتر
وفي أساتذة علموني هالسنة وأنا كتير تعلقت فيهن متل الأستاذ منير بحسو روعة هالأستاذ
وفي ناس ما كانو معي هديك السنة صارو معي وكنت أخدة فكرة خطأ عنن
وبالنسبة للمنتدى خلاني اكتشف العالم
متل : ياسر الزيات كنت مفكرتو واحد منطوي واناني بس اكتشفت أنو بيعرف يحكي أدنا كلنا وهو إنسان محترم كتير
واكتشفت سارة جمعة أنو هي مو قليلة وكمان بتعرف تحكي
وأكيد ما بنسى علي معلا مديرنا عنجد كمان ما في منو
وأكيد كمان كان في ناس كنت مفكرتا شغلة بس طلع العكس ( ما حاذكر اسماء)
وبالنسبة للصيف أكيد عندي باكالوريا وبدي أفضالها وأدرس منيح مشان حقق حلمي وفوت هندسة عمارة ( ادعولي)
بالأخير بدي قول أنو عنجد رح أشتاق للمدرسة ولكل الطلاب بدون استثناء نحن مدرستنا حلوة وكل يوم في شي جديد يعني ما في ملل
ان شاالله بشوفكن السنة الجاية بخير (( إذا ما طلعت من المدرسة ))
وأنتو شو بالنسبة ألكن؟؟؟؟
